LARLILÁS no Seminario 'XENTES, ESPAZOS E LUGARES' do COAG

Imaxe do Seminario

 

Larlilás participa na 2ª edición do Seminario do Proxecto Terra que organiza o Colexio Oficial de Arquitectos de Galicia (COAG).

O Seminario Xentes, Espazos, Lugares. A construción colectiva do Habitar achega unha reflexión sobre as formas de habitar o territorio, incorporando miradas e situacións diversas para abordar a temática de habitar desde o colectivo.

Ao longo de tres xornadas preséntanse experiencias inspiradoras e innovadoras, que poñen sobre a mesa as diferentes miradas e críticas á situación actual e o modelo social que define os xeitos de habitar. Larlilás foi convidada polo COAG para presentar o seu proxecto na sesión sobre Modelos alternativos para habitar en colectividade na que tamén participan Arquitectura Sen Fronteiras e La Morada Coop.

O acto, de entrada libre, desenvolverase o 24 de novembro as 18.00 no Museo de Belas Artes de A Coruña, na rúa Zalaeta Nº 2.

Retransmisión en directo na canle de youtube do COAG, á que podedes acceder desde a seguinte ligazón: Portal de COAG.